കെ കെ ബിജുവിന്റെ നേതൃത്വത്തിലുള്ള വിജിലൻസ് സംഘത്തിൻ്റെ പിടിയിലായത്.ഇന്ന് വൈകിട്ട് നാലുമണിയോടെയാണ് സംഭവം നടന്നത്.കോഴിക്കോട് വെള്ളിമാടുകുന്നിന് സമീപമുള്ള എൻജിഒ ക്വാർട്ടേഴ്സ് പരിസരത്ത് വെച്ചാണ് ഇയാൾ വിജിലൻസിന്റെ പിടിയിലാവുന്നത്.
ഒളവണ്ണയിലെ ഭൂമിതരം മാറ്റുന്നതിനാണ് കൈക്കൂലി ആവശ്യപ്പെട്ടത് ആദ്യം പതിനാറ് ലക്ഷം രൂപ
ഭൂ ഉടമയിൽ നിന്നും കൈക്കൂലിയായി ആവശ്യപ്പെട്ടു.പിന്നീട് അത് എട്ട് ലക്ഷം രൂപയായി ചുരുക്കി. അതിന്റെ അഡ്വാൻസായി അമ്പതിനായിരം രൂപ ഇന്ന് നൽകാൻ ആവശ്യപ്പെട്ടു.ഇതിനെ തുടർന്ന് ഭൂ ഉടമ കോഴിക്കോട് വിജിലൻസിൽ പരാതി നൽകുകയായിരുന്നു. വിജിലൻസ് കൈമാറിയ അൻപതിനായിരം രൂപയുമായി ഭൂ ഉടമ വില്ലേജ് ഓഫീസർ നിർദേശിച്ച സ്ഥലത്തെത്തി.
അമ്പതിനായിരം രൂപ വില്ലേജ് ഓഫീസർ ഉല്ലാസ് മോന് കൈമാറുന്നതിനിടയിൽ പെട്ടെന്ന് വിജിലൻസ് സംഘംവില്ലേജ് ഓഫീസറെ പിടികൂടുകയായിരുന്നു.ഏറെക്കാലമായി ഒളവണ്ണ പഞ്ചായത്തിൽ വ്യാപകമായി വയലുകൾ തരം മാറ്റി നികത്തുന്നത് പതിവായിരുന്നു നേരത്തെ നിരവധി പരാതികൾ ഇതു സംബന്ധിച്ച പോലീസിന്റെ രഹസ്യാന്വേഷണ വിഭാഗത്തിന് ലഭിച്ചിരുന്നു. ഇവർ നൽകിയറിപ്പോർട്ടിന്റെ അടിസ്ഥാനത്തിൽ ഒളവണ്ണ വില്ലേജ് ഓഫീസറെ
വിജിലൻസ് വിഭാഗം കരിമ്പട്ടികയിലും ഉൾപ്പെടുത്തിയിരുന്നു.അതിനിടയിലാണ് ഇന്ന് വില്ലേജ് ഓഫീസർ അൻപതിനായിരം രൂപ കൈക്കൂലി വാങ്ങുന്നതിനിടയിൽ വിജിലൻസ് സംഘത്തിന്റെ പിടിയിലാവുന്നത്.
തുടർനടപടികൾക്ക് ശേഷം അറസ്റ്റ് രേഖപ്പെടുത്തുന്ന പ്രതിയെകോഴിക്കോട് വിജിലൻസ് കോടതിയിൽ ഹാജരാക്കും.