ഇന്ന് രാവിലെ ഒൻപതെ മുക്കാലോടെയാണ് തീപിടുത്തം ഉണ്ടായത്.
പുതിയബ്ലോക്കിന്റെ ഒമ്പതാം നിലയിൽ നിന്നും തീയുംപുകയും ഉയർന്ന തീപിടുത്തം പുറത്തറിഞ്ഞത്.ഇതോടെ കോഴിക്കോട് ബീച്ച്,വെള്ളിമാടുകുന്ന് മീഞ്ചന്ത,എന്നിവിടങ്ങളിൽ നിന്നും ഫയർ യൂണിറ്റുകൾ സ്ഥലത്തേക്ക് കുതിച്ചെത്തി.കെട്ടിടത്തിനു മുകളിൽ കയറി തീ അണക്കുന്നതിനുള്ള ശ്രമം ആരംഭിച്ചു.ഒമ്പതാം നിലയിൽഎസി ബ്ലോക്കിന്റെ നിർമ്മാണ പ്രവർത്തനങ്ങൾ നടക്കുകയായിരുന്നു.
ഇവിടെ വെൽഡിങ് ജോലി ചെയ്യുന്നതിനിടയിൽ സ്പാർക്കായാണ് തീപിടുത്തം ഉണ്ടായതെന്നാണ് പ്രാഥമിക വിവരം.തീപിടുത്തം ഉണ്ടായ സ്ഥലത്ത് രോഗികളൊന്നും ഇല്ലെന്നാണ് ആശുപത്രി വൃത്തങ്ങൾ അറിയിക്കുന്നത്.തൊട്ട് താഴെയുള്ള വാർഡുകളിൽ നിന്നും രോഗികളെ സുരക്ഷിത സ്ഥാനങ്ങളിലേക്ക് മാറ്റാൻ ആവശ്യമായ നടപടികൾ തീപിടുത്തം ശ്രദ്ധയിൽപ്പെട്ട ഉടൻതന്നെനടന്നിട്ടുണ്ടെന്നാണ് വിവരം.
ആശുപത്രി കെട്ടിടത്തിനു മുകളിൽ തീപിടുത്തം ഉണ്ടായതോടെവലിയ ആശങ്കയാണ് കോഴിക്കോട് ബേബി മെമ്മോറിയൽ ആശുപത്രിയിൽ ഉണ്ടായത്.രോഗികൾ ആരെങ്കിലും തീപിടുത്തത്തിൽ കുടുങ്ങിക്കിടക്കുന്നുണ്ടോ ആശങ്കയാണ്
ആശുപത്രിയിൽ ഉള്ളവർക്കും പരിസരപ്രദേശങ്ങളിൽ ഉള്ളവർക്കും ഉണ്ടായിരുന്നത്.
വിവിധ പോലീസ് സ്റ്റേഷനുകളിൽ നിന്നും സംഭവമറിഞ്ഞ് നിരവധി പോലീസുകാരെയും ബേബി മെമ്മോറിയൽ ആശുപത്രി പരിസരത്ത് വിന്യസിച്ചിട്ടുണ്ട്.കോഴിക്കോട്
മാവൂർ റോഡിലും, എരഞ്ഞിപ്പാലം റോഡിലും ഗതാഗതം തടസ്സപ്പെട്ട നിലയിലാണ്.എത്രയും പെട്ടെന്ന് തന്നെ ആശുപത്രിയിലെ തീപിടുത്തം നിയന്ത്രണവിധേയമാക്കാൻ സാധിക്കും എന്നാണ് ആശുപത്രി വൃത്തങ്ങൾ നൽകുന്ന സൂചന.